U bru uwa 27 snem i rta uwa man kam u Transgender wei uwa kam toh u jait Sadhu wa tip kam ki ‘Aghori’ uwa pynemkaam yei pyrtuid Kali Nand Giri, da chah kem u ynnin ka sngi hadien wa em wa riñ Video wa lai psiah u cha iwi i thaw thang-bru heiwa da pynemkaam u da ka wait wow tyrrooh yei metyap wa dang chah thang heiwa da sai u yei tkhut doh u bru wei baam u ki.
Ki Aghoris toh ki Sadhu Hindu kiwa bood yei rukom im wa tip kam ki Ascetics kiwa yait neiwa rukom im kiwi ki bru khlem da leh ya ki kaam wa pynkmen pynsñiawbha bru, khlem da thooh kurim, khlem poisa wei da im ki samen samen wei ya kini leh da tip kam ki Shaivaite.
Ini i Video wa riñ ya uni u bru toh ha i thaw thang-bru iwa em ha Chakratirth ka sor Ujjain, Madhya Pradesh wei ngait u wa deiwa leh kamni daw pynkhooid yei mynsien u kam u bru.
Ha ini i Video da sñiaw wa ong uni u bru wa i doh wa baam u toh iwa dang iñ wei iwa bang bha. Hadien ini da tymmoh u yei doh u dei tpai ki bru wa chah thang.
Manda poor ini i Video da mih i beiñ na kiwa boon ki bru kiwa da ong wa da pynbood naam u yei pyrtuid ki Aghori kamjooh ka niam Hindu.
Hadien wa em booh FIR pyrchah ya uni u bru, da Register ka hapoh ka Section 301 ka BNS heiwa da lai kem ki pulit oo wei da rah ya oo hapoh ka yung bichaar kawa da phah wow kset hapoh ka Judicial Custody.
Da kem leh ya ka kari wa pynemkaam uni u bru heiwa napoh da chem ki chyieñ khlieh bru.
Da chem leh wa uni u bru man u kam u dkhot ki Kinnar Akhara, kawa seiñ da ki bru wa man kam ki Transgender ha u snem 2015.
Ynnin u snem ya uni u bru da e yei naam Mahamandaleshwar ka Kinnar Akhara da ka All India Akhara Council. Tangwa da pyndam ki hadien wa leh boon ki kaam wym em miat.
I chnong tre uni u bru toh na Mancherial, Telangana wei da yut u na yung nadooh dang khian yow im deiwa bood ya ka Asceticism wei da kam u leh wa oo toh u nyngkong dooh u Transgender uwa man kam u Aghori heiwa da lai u cha kyllieñ ka ri wei da kam u wa tip u klam hadooh 18 tylli ki jait ktien.
Discussion about this post