U Montri ka chnat Sports and Youth Affairs ka sorkar jylla, u Wailadmiki Shylla ha ka 1 tarik uni u bnai da lai li pait u yei pynkreh ya ka Football Stadium wa em ha Mawkhanu, East Khasi Hills District kawa dang chna hei lut wa Rs. 372 klur kawa da mang u pyndep hapoh 36 bnai ite ha u bnai October yong u snem 2028.
Ha ini i lai pait sylli u Wailadmiki, da emlang ki Engineer, ki Consultant kiwa da e i batai pynche hajrong i pynkreh ya kani ka madan.
Neiliang u Wailadmiki hawa klam cha kiwa thoh khubor ong u i lai pait sylli yong oo toh wa angnood u ye pyndep smat wei kamwa man kattæ i pynkreh da lai ko 29%.
Ong u wa mynried snem daw em ka National Games, hanlada ya kani ka madan ym pu ye u pyndep lut waroh wei hanla ya kani ka madan ym pynemkaam ka ha ka National Games leh, tangwa ka sorkar angnood ko wa katwa ye yei bynta wa chapoh ka madan daw pyrchang pyndep khnang yow yoh leh ya ka Opening Ceremony, neibhah wa ha JN Stadium Polo leh da khynnia bha.
Heiyatoh wa i pynkreh ya kani ka madan, ong u wa em hi i eh malu mala katwa toh ka thaw wa rap joor slap, tangwa neiliang yong oo kyntu u wa neini chakhmat u rap pynsmat ki yei kreh dei wow rap yakhun u pyndap yei dooh kreh heipor slap.
“Da ong i wow pynsmat ki yei pynkreh wei lada em iwon iwon i emkaam neiliang ka sorkar leh kular ko wow e i yakrehlang,” da ong u Wailadmiki.
Ong haroh u wa katkam i pynkreh wa da lai ym em artatien wow ye u pyndep ya ka hapoh u snem 2028.
Discussion about this post