Jowai : Ha ka 12 tarik heipor kamwa 10 waje i miet ka wi ka truck wa em ya u number AS-01FC-4988 wa yah da u Babul Basumatary da kylla ko ha Dkhiah, EJH. U handyman kani ka truck uwa tip kam u Rupan Basumatary da mynsoo joor u wei da kit ya oo cha Khliehriat CHC heiwa da khlaad noh u.
Ha ka miet yong ka 12 tarik ki pulit da pyntip wa da em boon tylli ki truck kit mooyong wa pyrchang ki yait yei thaw khia ha ka Weigh Bridge wa em ha Byrnihat, Ri-Bhoi.
Kamtæ ki pulit da kdong ki ya kini ki truck wei manda poi ha 12th Mile, Byrnihat da kem ya 12 tylli ki truck wa em ya ki number (1) AS-01CC-5485, (2) AS-01AC-1149, (3) ML-05J-1764, (4) AS-01DD-4885, (5) AS-01DC-0086, (6) AS-01BC-8551, (7) AS-01DC-7785, (8) AS-01BC-9192, (9) AS-01AC-9620, (10) NL-08A-3381), (11) AS-01DD-4950 wa (12) AS-01Y-5157.
Ka truck wa 12 won da kylla ko heipor wa wanrah ya ka cha Byrnihat Outpost.
Ha ka miet yong ka 11 tarik kawi ka thuk thuk wa em ya u number ML-09A-1220 ka yong u Silseng M Marak da chah tooh ko na Tura.
Ha ka jooh ka sngi hei step, ka wi ka kari kamai Maruti Swift D’zire wa em ya u number ML-05N-2625 wa yah da u Philostar Marngar da chah tooh ko na i thaw pynyieñ ya ka ha khmat ka Star Valley Hotel ha Ri-Bhoi District.
Ha ka miet yong ka 14 tarik ka wi ka thuk thuk wa em ya u number ML-05F-2137 da chah tooh ko na ARC, Happy Valley, Shillong.
Ha ka 10 tarik uni u bnai won heipor kamwa 1:00 waje i sngi ha Khliehtyrshi Lumpyrdi, WJH kawi ka kari Maruti Alto wa em ya u number ML-04C-0582 wa yah da u Nikoris Pala da tyrrah ko ya uwi u khynnah khian wa dang 2 snem i rta wa tip pyrtuid kam u Kamwadathrang Dkhar hadooh wa da khlaad u.
Ha ka 3 tarik uni u bnai won heipor 7:10 i miet kawi ka thuk thuk wa em ya u number ML-05L-0690 wa yah da u L. Makdoh da tyrrah ko ya u Kyrshanbor Teron ha Mawiong hajan ka MeCOFED, Shillong hadooh wa da khlaad u.
Discussion about this post