Dawa ka FKJGP wow takit yei baam poisa tooh kiwa kreh sorkar

Jowai : Ynne ka sngi ka seiñ Federation of Khasi Jaiñtia and Garo People (FKJGP) Jaiñtia Hills District da lai e dorkhat ko ha u Deputy Commissioner ka East Jaiñtia Hills.

Ka seiñ da ong ko wa da li booh dorkat ki hadien wa yoh ujor ko na ki paidbah wa jooh khrong poisa kiwa kreh ka Directorate of Mineral Resources wa ka tnat Sales Tax ha Umkiang wa ha Ratacherra.

Da pynbaad wa da tyngkheiñ ki ya ka hukum ka Supreme Court heiwa da daiñ kuna ya ki truck wa kit palat ya ka 9 ton wei ki wym biang kot biang sla wei da pynemkaam ki ya ka poisa pyn yaki hi (kiwa kreh) khlem i tip ka sorkar.

Ini mut i wa ya ki truck wa kit palat pood ym em phah pynhiar ya ki mar wa kit cha rood sarok wei da lai ki cha khmat deiwa su poisa ki cha kiwa kreh khlem receipt.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Yeini i jooh da leh kiwa kreh ha ka Umtyra Weighbridge.

“Ini i baam tooh ya ka poisa pyndooh myntoi ko ym du ya ka sorkar tangwa ya ki paidbah leh kamjooh” da ong u President ka seiñ u T.  Lytep.

Kamtæ da kyntu ko ya u DC  ka East Jaiñtia, u MS Lhuid, uwa da kular leh wow pynman da ka takit (Inquiry) hei yatoh weini.