I Shiva Mandir iwa 150 snem tam wa em ha Muliram Tola, Ratua ka Malda District ka jylla West Bengal da chah baam i ha ka wah Ganga hadien wa oor i khyndaw narood ka wah.
Ini da jia i ynnin ka 7 tarik hei sngi katwa ka um ha ka wah Ganga dang kmai bha ko.
I oor i khyndaw neliang ka wah da pynman i ya i Mandir wow em ha kyndian ka wah wei hanlada booh ya ki churia wa dap khyndaw leh ka wah da rong lut ko ki chwa wow ngooid ya i Mandir.
Ki bru chemphang da maham ki leh wa ka wah daw kmai chooh ko nei khlan ka um u wan na Bihar hadooh ka 9 tarik uni u bani.
U Alok Mandal uwa em ha ki 50 snem uwa man leh uwa sikai skur da kynmoo u wa heipor wa dang khynnah ki, i Mandir jngai i kamwa 15 Km na ka wah wei boon bha kiwa jooh wan mane Blai khamtam ha ki sngi yaaw tangwa kat dang lai ki por ka um dang heh dang kmai wei dang kylla luti ko.
Discussion about this post