Chi rta phah kset ya uwa slaitbor boonsien ya ka khynnah khian wei tba khlem akor ya kawi won

Ka yung bichaar ka Special Judge (POCSO), East Jaiñtia Hills District da phah kset ko chi rta ya u Shap Lamurong yeiwa slaitbor u boonsien ya ka khynnah kawa dang 7 snem wei da tba khlem akor u leh ya kawi won kawa 12 snem i rta.

Ka yung bichaar ha ka 24-08-26 da rai pynrem ko ya u Shap hapoh ka Section 5(l)/5(m)/5(n)/6/9(n)/10 ka aiñ POCSO Act heiwa najrong wa phah kset waroh chi rta deiwa pynchitom joor bha, da phah leh wow su u Rs. 50,000 deilang wow chong patok 7 snem kawa da kheiñlang neitæ wa ka kuna kawa Rs. 25,000.

Ya ka FIR da booh ha ka 14-02-24 ha Khliehriat Women Police Station heiwa da takit yeini wa jia da ka WPSI. L. Siangshai wei da Charge Sheet ko ko ya u Shap Lamurong hapoh ka Section 5(l)/5(m)/5(n)/6/9(n)/10 ka POCSO Act.

Yeini da chemdien hadien wa ka khynnah kawa dang 12 snem da pyntip ko cha ka bei ko wa u Shap Lamurong da tba u yei bynta kynthai ko heipor wa dang thiah ko ha ka 10-02-24 heipor kamwa 3:00 waje i step wei hawa sñiaw ka diah ko yeini wa jia, ka leh khana ko wa u Shap jooh leh u yei kaam wa sih ya ka.

Related posts

Chah tooh ka thuk-thuk na pchem yung ha Jowai

September 6, 2026

Yoh kem ki pulit ya ki le ngut kiwa wan tyrwa dai da ki thuk-thuk wa chah tooh

August 28, 2026

Hawa kylli takit, kani ka khynnah da khana ko wa u Shap da slaitbor u ka boonsien nadooh u snem 2019 hadooh u snem 2023 wei da jooh u maham u wow booh da ka tari ha rdang ko lada khana bru ko. Wei da dam u wow leh yeini du hadien wa tip ko wow leh pyrchah.

Ini mut i leh wa kani ka khynnah da chah slaitbor ko nadooh wa dang em ko dang 7 snem i rta.