Kam cha phlim, e kti uwi ya ka kurim cha uwa maya ko

U pulit ka Prantiya Rakshak Dal ha Lucknow da e kti u ya ka kurim u cha uwa maya ko nadooh dang khynnah hadien wa kyntait ko wow liwan cha yung u kurim ko wei ini da jia i ha Malihabad, Lucknow iwa da pynkhyrngiat ya kiwa boon neidaw wa man i kam cha phlim.

Ka sorkar Uttar Pradesh da sdang ko ya ka Prantiya Rakshak Dal (PRD) ha u 1948 kam ka Security Force.

Kani ka kynthai toh ka Sonali kawa da maya wa uwi u bru nadooh dang lai skur wei da neh i maya ki hadooh katni.

U kurim ka Sonali toh u Vicky, uwa man u jawan ka PRD, wei da bia ki la kamwa chi snem tangwa ka Sonali dang pteiñ bait ko wow yaklam wa uni uwa maya ko man-ka-sngi.

Related posts

Phah ki MDC ka East Jaiñtia ya ki karkhana Coke wow pynkhooid ya ka la’ær wa mih | Daw pynchitom ya ki wym leh

September 11, 2026

Deiwa brait da u sumrit dung ha kiwa kreh lute uwi ya ka chnat ka SBI

September 11, 2026

Ha ka 5 tarik uni u bnai ka Sonali da wiar ko na yung u Vicky wei da ujor noh ko ha ki pulit kiwa da thooh ya ka wei da chem ya ka wa uwa maya ko na Hardoi ha ka 9 tarik.

Neiliang ki pulit da klam ki slem bha wa ki ar liang tangwa ka Sonali da kyntait ko wow lai cha yung u kurim ko deiwa ong wa kwah ko wow neh wa u bru wa maya ko.

Kamtæ u Vicky dei khyrngiat wow tip yeiwa sakhiat wei heithaw wow pynbor u ka wow man kam ka kurim u, da yarap u ya ki wow bia ki ha i Mandir katkam ki niam Hindu wei da e kti u ya ka Sonali cha uwa maya ko.