Ynne i step synyaaw ka 12 tarik, ka Laban Police Station da chah kawang ko 2 tylli ki Petrol Bomb iwa da leh da ki bru wym tipmit wei ha ini wa jia, kawi ka Gypsy wa pynyieñ ha pchem kawa em ya u Number ML-02-0196 da iñ ko malu mala na i bynta wa nadien.
Katkam ka khubor wa da yoh, da pyntip wa em ar ngut ki bru kiwa lai lyngba ka Police Station da ka Scooty heipor kamwa 2:30 i step wei mar ya dep kawang Petrol Bomb da yut noh ki bak na katai ka thaw.
Katkam wa riñ ka CCTV da yoo ya ka Scooty wa wan nakhmat ka Gate ka Police Station kawa da khang wei heini i por da kawang 2 tylli ki Petrol Bomb heiwa uwi da haap u rap chajan ka yung krehkaam katwa uwi da haap u ha rood ka kari Gypsy kawa pynyieñ ha pchem.
Hapoh kani ka Gypsy da em ar ngut ki pulit kiwa chong hadien kiwa da kynthiar cha lait wei da lait ki nei mynsoo wei hakhmat leh em uwi uwa da ye u mih.
Ki pulit da ye ki wow tympleh hi yei diñ.
Discussion about this post