Neiliang u President ka JNC, u Sambormi Lyngdoh da ong u wa wot hawa ka sorkar jylla da ong ko wa da thung da ka Fact Finding Committee yow takit yeiwa jia ha ka Public Hearing ka Shree Cement heiwa da phah wow sangeh waroh i kreh i pynchna u pynyieñ ya kani ka karkhana.
Neiliang ka seiñ da chem ko wa i kaam ka Shree Cement dang lai ko chakhmat heiwa ki yaleh wow yoh ya ka Environmental Clearance dang lai ko chakhmat.
Ka seiñ da yoh ko leh ki kot ki sla wow pynsakhiat yeini heiwa ka 8 tarik uni u bnai, ka State Level Expert Appraisal Committee (SEAC) da pdiang ko yei kyrpaad ka Shree Cement wow rah yei paan Environmental Clearance ha ka 103rd Meeting ka SEAC.
Ya kani da booh ha ka Agenda 7 yow paan yei yoh ya ka Environmental Clearance ka Shree Cement ha Lum Syrman.
Ka seiñ da ong ko wa lada kamni, ka Fact Finding Committee toh du wow pynbiej bru hawa ki kaam ka Shree Cement dang lai ki chakhmat.
Discussion about this post