Wanrah ka SURE wa ka DBDU Khliehriat da ka SWOT ha chnong Kairang

Jowai: Ka District Basin Development Unit (DBDU) ka East Jaiñtia Hills hei krehlang wa ka Enterprise Facilitation Centre (EFC) Khliehriat chirup wa ka Society for Urban and Rural Empowerment (SURE) da pynman ki ya i phylu yumut deiwa pynman ya ka SWOT (Strength Weakness Opportunity Threat) Analysis ynnin ka 15 tarik ha ka chnong Kairang.

Ka chnong Kairang em ko hapyrdi ka chnong Myndihati wa ka Khliehriat wei em ko hajan ka chnong Nongthymme hapoh ka Khliehriat Block yong ka East Jaiñtia Hills District. Ka chnong em ko kamwa 80 tylli ki manyung wei kiwa boon toh kiwa rep kiwa dooh wa duk.

Kamtæ yow yarap ya kani ka chnong wow sñiawthooh yow ye u yarap ya kani ka chnong da pynman da ka SWOT Analysis yow tip yei khlan, i tlot, ki kabu wa ki ma wa yang ya kani ka chnong.

Ya kani ka SWOT da leh da u H.H. Mohrmen wei da yarap leh da u Wilhelmos Shylla (MBDA), ka  Rimika Malang (DBDU) Khliehriat, u Sanbor Raliang wa ka Beeta Rani naka (EFC) Khliehriat. Ki paaid wa chong chnong kiwa palat 40 ngut ki chynrang wa kynthai da chimbynta chongchit ki ha kani ka SWOT Analysis.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka sngi da chem wa kani ka chnong khlan (Strength) ko heiwow rep, u thaaiñ kriah thaaiñ chylliah wei wow ri mrad.

I tlot (Weakness) yong kani ka chnong won toh wa duna i stat i tip wei hadooh katni ym em tang kawi leh ka LP School, ki sarok leh toh kiwa dang duna wa ka um baam um dih khamtam ha ki por tlang.

Hei yatoh won wa ka kabu (Opportunity) da chem wa kani ka chnong em ko ya ka rymaw wa miat heiwa da em ki kchaaid, ki wah kiwa ye u riñ ya kiwa wan uiñke sawari. Kani ka chnong leh em ko ki khloo kiwa da pyrchang wow pynman ya ki kam ki Community Reserve Forest da ka tnat Wildlife Division ka Forest Department.

Sa kawi leh ka kabu kawa ka chnong ym pu ye ko u pynkrehkaam toh ka Scheme MGNREGA ka kreh 100 sngi.

I ma (threat) won toh i kyrni ki kaam dih kiad wei wym em i leh khooid hapoh kani ka chnong.

Ha wa kut da rai wa kani ka chnong dang em i kyrmen ya ka wow ku ko cha khmat ha ka kamai kajih neibhah kini ki bru toh kiwa kreh chitom wa kiwa yatylli. Ka chnong leh dang ye ko u ku chooh chooh deiwa pynbha pynmiat ki ya iwa da em chwa ki.

Hachwa wow leh ya ka SWOT Analysis da em ka yalang wa tbian ka wa pyllai da u Chairman ka Mariang Multipurpose Cooperative Society u Kerson Bareh wei da yoh leh ya i klam na u Kham Bareh uwa man kam u Waheh Chnong yong kani ka chnong Kairang.