Uwa chong chnong ka Tuber Kmai Chnong, East Jaiñtia Hills District uwa tip kam u Graham Lyngdoh uwa man leh kam uwi na ki tre paar mooyong, da thoh u cha u Secretary ka Ministry of Coal ka sorkar India heiyatoh ki kyndon tih mooyong.
Da ong u wa i tih mooyong toh du ini i jait khih wa ye u pyndap pynbiang yow kyrchaan ya ka yung ka sem ha Jaiñtia Hills nadooh ki por yongrim tangwa da khang noh da ka NGT ha u snem 2014 neidaw wym em kyndon wa biang ha kitu ki por wa booh da ka sorkar jylla wa sorkar pyrdi.
Tangwa ki kyndon won kiwa da em kattæ wa emkaam 100 Hectare i thaw toh iwa eh neibhah u mooyong wa em cha i ymtoh uwa jrong uwa pteiñ ter-ter tangwa uwa em kajiak chi thaw wei da emkaam wow tih da ka rukom ka stat Science hi iwa da thooh laad ka sorkar pyrdi wa sorkar jylla yow yarap ya kiwa khian i bor i sor.
Da ong u leh wa ye wow pynkhian cha ka 10 næ 20 Hectare wei lada em boon ngut ki tre thaw ye ki wow booh kawi donhi ka Application yow tih mooyong.
Hajrong ini da dawa wow wanrah ya ka SOP/Policy kawa yahaap wei rukom em u mooyong ymtoh dei rukom wow pynman i dooh nong wa joor ya ki tre thaw.
Hawa yaklam wa kiwa thoh khubor, u Graham da ong u wa iwa kwah toh wow tih mooyong kam nachwa hi deiwa em ki kyndon wa ye u bood wei da ong u leh i tyrwa wow tih mooyong deiwa sdang da ki Co-operative Society toh iwa eh.
Discussion about this post