Ki khynnah ka PM Shri School Jawahar Navodaya Vidyala, West Jaiñtia Hills da em ki 10 ngut kiwa da yoh ya ka Quota wow lai puræ MBBS katwa uwi da yoh u wow lai puræ BDS.
Da em leh uwi uwa em ha ka Waiting List wow lai puræ MBBS wa kawi won ha ka Waiting List ka BDS.
Kiwa chah jied wow lai puræ MBBS toh ka Risa Shylla, u Dapmainmi M Lyngdoh, ka Rideikmen Lamare, u Glorious P Dkhar, ka Isabella Dorian Langstang, ka Wailad Phawa, ka Nowmeki Rymbai, u Eborlangmi L Dkhar, ka Daialamlynti Suiam wa ka Etilang Suchen.
U Carmelus Bamon toh uwa da yoh u lai puræ BNS wei em u leh ha ka Waiting List wow lai puræ MBBS.
Kawa em won ha ka Waiting List wow puræ BDS toh ka Lavinia Rose Sajem.
Neiliang ka skur da pynsñiaw ko yei sñiaw sarong yeini wa da ye ki khynnah yong ka wow yoh u lai puræ wei da pynehdaw ya ki sam chakhmat.
Discussion about this post