U MP Rajya Sabha ka Meghalaya, u James Pangsang Kongkal Sangma da chah tyrwa u ha u Speaker ka Lok Sabha, u Om Birla kam uwa chah khut sñiawbha cha ka Joint Committee wow puræ bñiah ya ka Foreign Contribution (Regulation) Amendment Bill, 2026.
Ya ini da tyrwa da ka Lok Sabha Secretariat, da pyntip u James uwa man leh u heh ka National People’s Party.
Ka Foreign Contribution (Regulation) Amendment Bill, 2026 da phah ya ka cha ka Joint Parliamentary Committee wa em 21 ngut ki MP ka Lok Sabha wa 10 ngut na Rajya Sabha khnang wow puræ bñiah ya ka hapoh i pait u MP ka BJP, u Dr. Sanjay Jaiswal kam u Chairperson ka Joint Committee kawa krehkaam ha ka 2 tarik u September.
Ka Committee u chong nyngkong ko ha ka 18 tarik u September ha ka Committee Room No. 2, EPHA, New Delhi heiwa daw em ki hapoh ka Ministry of Home Affairs ki wow batai chaphang ka Foreign Contribution (Regulation) Amendment Bill.
Ka FRCA toh ka aiñ wow pait yei yoh yarap poisa na baar ri wei i pynemkaam ki bru samen wa ki seiñ ya ka wei yeini waroh da leh deiwa pait ka Ministry of Home Affairs.
Ka Parliamentary Committee daw puræ bñiah ko yei pynkylla ya ka aiñ chwa wow e kti ya ka bui (Report) cha ka Parliament.
Discussion about this post