E dorkhat ka ARM ha ka CEO ka JMB hadien wa klem pynkhooid yei jhep wa kai cha ka Wah Myntdu

Ka seiñ Advocacy Reform Movement (ARM) ynne da e dorkhat ko ha ka Chief Executive Officer (CEO) ka Jowai Municipal Board heiyatoh wa i jhep wa kai cha ka Wah Myntdu.

Ya ka dorkhat da e hapoh i yahkhmat u President ka seiñ, u Burom Dkhar neibhah hadien wa dadep lai sylli (Inspection) ka seiñ heiyatoh wa wa ki soodong sookun yong ka Wah Myntdu kawa em talawiar ka chnong Jowai, heiwa da chem ko wa em chiboon ki dooid wa ki liar wa kai cha ka wah.

Kini ki dooid wa ki liar toh kiwa da chna yow ksoh yei jakhlia deiwa em ki kynja Filter wei da dap ki du ki Plastic khamtam ha ki chrot khlem da pynkhooid ya ki da ki snem.

Ka seiñ da ong ko wa ini i leh u Contractor wa chna ya kini da booh i hei maa ya ka wah kamjooh ya ki dohum wa ka um wa pynemkaam ha sor Jowai.

Related posts

Da sdang mihdur ka yingkieñ wa pynyabi ya ka West Jaiñtia waka East Khasi najrong ka Wah Umngot

October 29, 2026

Yoh jamin sa ar ngut ki dkhot ka KSU, sah sa uwi wa dang chah kset

October 29, 2026

Neiliang u President ka seiñ da maham joor u ya u Contractor ka Municipal Board wow pynmiat ya kini ki Filter hapoh i por khnang wow lait ka Wah Myntdu na i jakhlia wei wow booh bru leh wow pynkhooid yeini.

Ka seiñ da kyrpaad ko leh ya ka CEO wow pynman da ka Awareness Program chaphang i khooid i jngiar, khnang wa ki paidbah u sñiawthooh ki ya i kordor ka mariang.