Ynne i step synyaaw heipor kamwa 1:30 haroh hawa ki pulit dang pynman ki yei pynsangeh kari ha Urkaliar hajan ka Samkhamti Petrol Pump, Shillong kam chibynta wow pait ya kiwa thmu wow ktah yei suk i saaiñ, da wan kawi ka Scooty wa chong ki ar ngut ki chynrang kiwa da pyrchang wow yait ya kani ka thaw wa em ki pulit.
Ha ini i pyrchang wow ksoh wei pynsangeh ya kini ki ar ngut kiwa da yaleh pyrchah yow yut, neiliang u Lovish Garg, IPS, Additional Superintendent of Police, Traffic, EKH da wan u wow phah pynsangeh ki tangwa kani ka Scooty da pynhær pathan ko wei da tyrrah ko ya uni u heh pulit hadooh wa da mynsoo joor u.
Kamtæ da pynkit ya oo wut-wut cha Woodland Hospital yow yoh sumaar heiwa da booh ya oo hapoh ka HD Unit.
Neiliang u Dangsan Khyriem, Superintendent of Police (City), EKH da ong u wa ini wa jia toh iwa leh chynnam yow pynmynsoo ya u sahep pulit yow lait nei chah kynreh kari wei da Register ya ka Case hapoh ka kyndon wa thmu pynyap bru.
U SP da suba u leh wa kini ki ar ngut toh ki dkhot ka Khasi Students’ Union (KSU) wei dang takit yei daw wa lai luti ki heipor miet weiwa yut ki nei thaw pynsangeh kari.
U SP da ban joor u wa ki pulit daw pteiñ ki yei kynreh kari neibynta i bha i miat kiwa chong chnong kamjooh wow pynkrehkaam ya ki kyndon aiñ wei da yooluti leh wa waroh ki bru u ya krehlang ki hawa pynsangeh kari wei kiwon kiwon kiwa pyrchang wow yut wow yaleh pyrchah daw leh ya ki katkam ka aiñ.
Discussion about this post