Ka West Jaintia Volleyball Association da pynman ko ya ka Volleyball Coaching Camp kawa ar sngi neibynta kiwa kwah wow man kam ki Referee deilang ki Official kawa da pynman ha Campus ka North East Adventist University, Khliehtyrchi.
Ha kani ka Coaching Camp da wan wow chimbynta da 14 ngut ki chynrang wa kynthai heiwa da yoh yei sikai na u Alban Presley Sangma kam u Coach uwa da hikai nyngkong ya ka Theory ha ka 16 tarik wei da pynbood da ka Practical ha ka 17 tarik uni u bnai heiwa da yoh ki leh wow pynlai ya ka yalehke.
Da hikai leh kammon wow pyndap ya ki Score Sheet, kamjooh leh ki 25 tylli ki jait Hand Signal neibynta ki Referee kamjooh kammon u kheiñ Foul wa kiwi de.
Neiliang ka Association da e khublei ko ya ka NEAU wa da e laad ko wow pynman ya kani ka Coaching Camp kam i sdang pynku ya ki kaam yalehke Volleyball hapoh ka District.
Da kyrpaad leh ya kiwa yalehke Volleyball ka District wow mih ki chakhmat wow ya emlang wa ka West Jaintia Volleyball Association yow pynku ya ka yalehke ha waroh kawi ka District.
Discussion about this post