Ki chi kurim kiwa lai Honeymoon cha Darjeeling, West Bengal dapoi noh che jia wa sñiawsih ya ka kynthai kawa dang dep bia hadien wa iñ ko heipor wa dang mut u synang doh (Barbecue) ha ka Homestay wa sah ki.
I Video ini wa jia ha kani ka Homestay wa em ha Sittong da poor bha i kattæ ha Social Media iwa da jia ha ka 13 tarik uni u bnai.
U Souvik Das uwa chong chnong ka Chopra, Uttar Dinajpur District da bia u wa ka kurim u, ka Nikita dang chi bnai wei ha katai ka sngi wa jia ini, da kylli ki na kiwa kreh ka Homestay lada em tiar ki yow leh Barbecue heiwa da pynbiang yeini wei heipor wa mut wow sdang yei diñ da theh chwa yei phñiang heiwa da kooid cha ka kynthai heiwa ka leh da iñ ko.
Ha i Video da yoo ya ka kynthai wa yieñ ko nawa chong wei da pat ko ha khyndaw wei u kurim ko da yaleh u wow tympleh yei diñ katwa uwa kreh ka Homestay da looid sula u yow sympat yei diñ.
Ka kynthai da iñ ko 60% wei da hap leh wow yang hadooh chi kynta wow poi kari yow kit ka cha Hospital tangwa neidaw wa joor mynsoo ko da kit won cha Siliguri.
U kurim da booh ujor u leh ha ki pulit.
Discussion about this post