Ka 3rd Division 2026 ka East Jaintia Hills District Football Association (EJHDFA) dapoi noh ko cha ka yakhun Final ynne da ka yalehke hapyrdi ka Rymbai Pohskur SC wa ka Cham Cham SCSC heiwa ka yalehke hadooh wa kut i por deilang ki Extra Time leh ym em wa yoh u thap kool.
Kamtæ da pynman dei yachut Penalty heiwa ka Cham Cham da jop ko da 2-0.
Ya kani ka 3rd Division da wan wow pynhaap pyrda da u Blassuse Rymbai na ka Dorbar Chnong Rymbai kam u kongsan wa u Karlud Dkhar (waheh chnong warim ka Cham Cham) kam u symbood kongsan deiwa emlang ki dkhot ka EJHDFA deilang kiwa kitkaam ka Tournament Committee.
Ka Cham Cham kam ka Champion da yoh ko Rs. 30,000 deilang ka Trophy katwa ka Rymbai Pohskur kam kawa rem da yoh ko Rs. 15,000 deilang ka Trophy.
Yei naam Best Player da yoh u Jomi Phawa na ka Cham Cham SCSC, yei naam Best Goalkeeper da yoh u Dashrain Dkhar na ka Cham Cham SCSC hi katwa yei naam Top Scorer ka Tournament da yoh u Eveningland Pohshna na ka Umstain SSCC uwa da yoh u thap 5 tylli ki kool.
Discussion about this post