Kylli ka KSU na ki pulit wa lada waroh kiwa yah Scooty ha Shillong toh ki dkhot ka seiñ?

Ka Khasi Students’ Union (KSU) Central Executive Council da pynsñiaw ko yei wym sñiawsuk hajrong iyi wa da jia hei step synyaaw ka 18 tarik ha Shillong heiwa kawi ka Scooty wa yah da ki ar ngut da tyrrah ko ya u Additional SP (Traffic) katwa dang leh u yei kaam.

Ka seiñ da khyrngiat won ko u sñiaw wa ha ki khubor wa pynlait da ki pulit kawa da ong wa suba ki wa kiwa yah ya ka Scooty toh ki dkhot ka KSU.

Kamtæ da kylli na ki pulit ha kawon ka rukom da pynchong yurim wei da mutdur wa kini ki bru toh ki dkhot ka seiñ wei ym ye hi leh u pdiang ya kam kini ki pynbaad wa khlem chongnia.

Da kylli wa lada kamni mut i wa kiwon kiwon kiwa yah Scooty ha Shillong toh ki dkhot ka KSU? Wei lada jia iwon iwon wow pynbaad bait ya ka seiñ?

Related posts

Pynhiar tput u diah deiwa pam hadooh wa yap ya uwa pynyap ya ka payu

September 19, 2026

Mynsoo joor i khonboo wa chah dait ha u ksaw Pitbull

September 18, 2026

Hajrong ini da ong wa toh u sai ki sabut neibhah ka aiñ krehkaam ko deiwa biang i sakhi ymtoh deiwa pynbaad donhi.