Yoh kem ka WJSU ya 11 ngut ki Bangladeshi wa uwi u dalal

Ka seiñ War Jaiñtia Students’ Union (WJSU) ynne i step da yoh ko wow kem ya 11 ngut ki Bangladeshi deilang wa uwi u dalal uwa da yahluti ki chapoh India.

Ya kini da yoh wow kem haneiñ ka laad Amtapoh wa em hapoh ka Amlarem Sub-Division heipor kamwa 5:46 i step.

Neiling ka seiñ da pynman ko yei kynreh ya ki bru Bangladeshi kiwa da psiah tooh chapoh India wei kini ki 11 ngut toh kiwa wan da ar tylli ki kari, tangwa mar ya tip ki wa em ki dkhot ka seiñ, da pynhiar ya kini ki bru wei kini ki kari da yut ki.

Ya kini ki bru da phah chwa wow rieh ki ha rood sarok tangwa da em wa yoo ki wei neiliang ka seiñ da yoh ko wow kem ya u dalal uwa da phla yei thaw wa em kini ki Bangladeshi.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

Kini ki Bangladeshi toh 4 ngut ki chynrang, iwi i khonboo chynrang wa dang soo bnai wa 6 ngut ki kynthai wei ym em ki ya ki kot ki sla wa biang yow psiah cha India.

Hawa kylli takit ya ki da phla ki wa da psiah ki pyrchah ya ka aiñ lyngba ka Dawki wei da kit ya ki da ki kari deiwa yarap uwi u bru uwa man kam u dalal u a na chnong Sohmynting wei manda tip yeiwa em wa pynsangeh kari da pynhiar noh ya ki chiteiñ luti heiwa ki kari da yut noh ki.

Neiliang ka seiñ da e kti ko ya kini ki Bangladeshi cha ki pulit ka Amlarem PS deiwa dawa wow pynchitom ki katkam ki aiñ kamjooh ya u dalal deiwa takit leh yow chemdien ya kiwi de kiwa emkti heini kamjooh ki kari kiwa embynta ha ini i kaam.