Dawa kiwa chet ja skur wow pteiñ ya ka PM Poshan wei pynku ya ka nong cha ka Rs. 9000 | Pynman yakhih ha waroh ki HQ ki District

Hadien wa kiwa chet ja sngi ha ki skur yong ka jylla Meghalaya wa haap hapoh ka lama ka Union of Cook Cum Helper PM Poshan da sangeh lai chet ja skur ki nadooh ka 1 tarik uni u bnai kam ka dak i yakhih hajrong i wym ap ka sorkar pyrdi ya ka mat dawa yong ki wow su noh ko Rs. 9000 chi bnai ka nong næ Honorarium na ka Rs. 900 wa jooh su, ynne ka sngi won da pynman ki sa da ka yakhih chong kyllaiñ myngngor ha waroh ki District Headquarter ka jylla.

Ha kani ka yakhih chong kyllaiñ myngngor najrong i dawa wow pynku i su na Rs. 900 chi bnai cha ka Rs. 9000, da mih leh i sur dawa pteiñ ya ka Scheme PM Poshan hapoh ka ri lyngba ka sorkar pyrdi neibhah wa katkam ka 15th Finance Commission u kut ko nadooh ka 31-03-26 wei wa da pteiñ chipor nadooh ka 01-04-26 wei u kut ko ha ka 30-09-26.

Kamtæ lada pteiñ næ ym pteiñ sa ha ka 16th Finance Commission, ka sorkar pyrdi daw chim rai ko chwa u kut uni u bnai September.

Hawa yoh u yaklam wa u Adviser ka Union of Cook Cum Helper PM Poshan, u Khroo Lamsalanki Pariat ha ka yakhih chong kyllaiñ myngngor kawa da pynman da ka All Jaiñtia Mid-Day Meal Workers Union ha Jowai, da khana u wa i yakhih kiwa chet ja sngi ha ki skur daw pteiñ hadooh ka 30 tarik hi uni u bnai.

Related posts

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Mynstep u wan ki dkhot ka Cockroach Janata Party wow pynyaar chnat cha Northeast

September 22, 2026

Wei ynne ka sngi wa pynman yakhih chong kyllaiñ myngngor toh kawa da khynjoh cha ka 22 sngi i sangeh lai chet ja skur, wei lyngba kani ka sngi kyrpaad haroh ki ya u Prime Minister ka ri, u Narendra Modi kamjooh kiwi ki Montri sorkar pyrdi wow sñiawbha ki u pteiñ ya kani ka PM Poshan najrong wow pynku leh i su ya ki.

Ong u wa i dawa pteiñ biang ya ka PM Poshan kawa tip nachwa kam ka Mid-Day Meal Scheme toh wa chem ki yarap wei kyrchaan sakhiat ko ya kiwa boon ki manbei manpa hei lai skur ki khon yong ki.

Neitæ kyrmen u wa u Narendra Modi u ap u sñiaw u ya kani ka mat dawa yong ki hapoh uni hi u bnai, kamwa da yoh kyrchaanlang ki na ki kynhun chet ja skur ka thaiñ Northeast, wei kamwa neiliang u Montri Rangbah ka sorkar jylla, u Conrad Sangma leh deilang kiwi ki Montri Rangbah yong ki jylla ka thaiñ Northeast dadep e ki dei thoh cha u Montri ka chnat puræ puthi ka sorkar pyrdi.