Napoh i dukan dai soh ha Delhi chna drugs kiwa na baar ri yow pynpoi cha kylleiñ ka ri

Iwa sdang deiwa yoh kem ya 0.6 gram i Synthetic Drugs wa tip kam i MDMA na New Mahe, Kannur ka jylla Kerala, da yah ko lai ki pulit ka Kerala cha kiwa boon ki jylla hadooh wow yoh kem ya ki ar ngut ki baar ri ha nongbah Delhi.

Ini waroh da sdang nadooh ka tayaaw nyngkong u July deiwa yoh kem 0.6 gram ini i Synthetic Drug na uwi u bru uwa da khana yei pyrtuid u Mohammad Sameel wei manda lai ki pulit cha i yung uni u bru ha ka 10 tarik u July da chem 185 grams ini i MDMA.

Na ka Phone u Mohammad da chem yei phah poisa cha u Mujitaba uwa khut siñ kam u “Tabu” uwa pyntipmit bru wei uwa khana leh heiwon u lai booh yei drugs iwa mut wa uwi lai booh u ha iwi i thaw wei da wan chim won da uwi wei deiwa leh kamni kini ki bru ym jooh yachem wei ya tipmit ki uwi ya uwi kam kiwa khayi drugs.

Deiwa pait ya ka Phone wa i rukom su poisa da chem ya u Tabu na Bengaluru heiwa da kem ya oo.

Hadien wa pteiñ ka takit da yah ya ki pulit cha Haryana heiwa da kem ya u Arshad Ali na Gurugram deiwa chem 800 grams i MDMA na oo wei uni toh uwa ya krehlang wa u Tabu.

Related posts

8 tylli ki kari ar chaka wa chah tooh ha ki 5 sngi ha Shillong

September 21, 2026

Chah kem ki ar ngut kiwa wanrah drugs wa chongdor ₹7 lak na Silchar cha Shillong

September 21, 2026

Da yoh leh wow kem won sa u Abdul Rahman wa u Rishad uwa na Kerala kiwa man kam ki bru kiwa chna kot thok, kiwa pynyoh SIM Card wei kiwa wai Bank Account. 

Hei takit da chem wa kini kiwa leh yeini i kaam da kylla SIM Card ki dei langær, da pynemkaam ki leh 20 tylli ki Bank Account yow pynlai poisa kawa poi da ki klur tangka.

Kat dang lai i takit da kdaw ki sabut cha Delhi heiwa ki pulit ka Kannur DANSAF Squad, ka Thalassery ASP Squad wa ka Thalassery Police da pynlut por ki 10 sngi ha nongbah ka ri yow pynman yei takit.

I takit da yah ko chei kem ya ar ngut kawi kawa 36 snem kawa na Nigeria kawa tip kam ka Chinelo Lilian wa kawi kawa 30 snem kawa na Cameroon kawa tip kam ka Philomene Chancelin.

Kini ki ar ngut toh kiwa chna yeini i drugs MDMA ha Delhi wei da pynpoi ki chadooh Kerala deiwa kylliang kti na uwi ha uwi won u bru.

Kini ki ar ngut ki kynthai toh kiwa em ya iwi i dukan dai soh ha Delhi la chi snem wei da pynemkaam ki yeini i dukan yow chna drugs.

Tangwa ki pulit da ong ki wa kini ymtoh ki heh wei dang thooh ya uwa em hakhlieh dooh.

Da chem leh wa yow chna yeini i drugs da hikai deiwa leh da ki Video Call.

Neiliang u DIG da ong u wa manda em kiwa na baar ri wa yoh u leh kamni da man ko leh iwa maa ya ka ri.