Ha Delhi pdiang sñiawbha ka BJP ya ki 8 ngut ki MLA ka UDP

Ki 8 ngut ki MLA ka UDP, kitæ u Lahkmen Rymbui, u Pius Marwein, u Kyrmen Shylla, u Mayralborn Syiem, u Mathew Beyondstar Kurbah, u Olan Sing Suin, u Balajied Kupar Synrem wa u Synshar Kupar Roy Lyngdoh Thabah ynne da psiah noh ki chapoh ka BJP hadien da ki tayaaw wa da antaad wa daw jia ini.

Ya kini ki MLA ka UDP da pdiang sñiawbha ki ha ka yalang wa pynman ha Delhi deiwa emlang u Montri ka sorkar pyrdi u Kiren Rijiju, u President ka BJP Meghalaya, u Rikman Momin wa kiwi de.

U Lahkmen hawa e yei klam da ong u ini ymtoh iwa da leh syndet wei da yaklam da rap slem wei da leh yeini neibhah da emkaam yei yarap ka sorkar pyrdi heiyatoh wa ki mat wa emkaam hapoh Meghalaya itæ nadooh wow tipmit ya ka ktien Khasi wa Garo hapoh ka 8^th Schedule, i pdiang yeiwa da pynkylla ya ka aiñ MRSSA, u pynsuk ya ki kyndon tih mooyong, ki kaam wa yatoh wa ka Them Metor wa kiwi de heiwa kiwa yahkhmat ka BJP da kular ki wow leh ha ki por wow wan.

U Rijiju da ong u wa nadooh wa wan ka BJP da pynkylla dur ko ya ka thaaiñ Northeast wei kini ki 8 ngut ki MLA leh da yoo ki ya ki kaam pynroi hapoh i yahkhmat u Narendra Modi kam u Prime Minister uwa da chimkhia ya kani ka thaaiñ.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

Da ong u wa heipor ka Congress da yoobeiñ nadooh ya ki Chief Minister ka Northeast heiwa da ong ya ki wym toh u klam ware ki neidaw wa duna ki MP ka thaaiñ tangwa u Modi dadep u wow wan la 80 sien cha ka Northeast wei da phah u leh ya ki Minister ka sorkar pyrdi wow lai ki cha Northeast chisien chi bnai.