Ka sorkar Assam da mang ko wow pynboon ya kiwa puræ Doctor hapoh ka jylla heiwa u Chief Minister yong ka, u Himanta Biswa Sarma da pynbna u wa da mang wow pynboon ya ki MBBS Seat cha ka 4,000 tylli hapoh u 2031.
Ya ini da pynbna u hawa wai ya ka 750-Bed Baba Baidyanath Medical Trust Hospital ha Deoghar, Jharkhand.
Hawa kdaw yei pynboon ya ki thaw puræ Doctor ha Assam, u Himanta da ong u wa ka jylla katni em ko 16 tylli ki Medical College kiwa pynmih kamwa 2,200 ngut ki Doctor man-u-snem.
Da ong u wa ka sorkar angnood ko wow booh sa 32 tylli ki Medical College ha Assam, chirup wa ka AIIMS wa ESIC Medical College kiwa da sdang krehkaam.
U Himanta da ong u leh wa angnood u wa waroh ki District ka jylla u em ki ya kawi ka Medical College.
Ka Medical College wa nyngkong ha ka jylla da wai ya ka ha ki snem 1950, bood sa kawa ar ha ki 1960 wa kawa le ha ki 1970.
Discussion about this post