Ka Jaiñtia Students’ Union (JSU) da maham khaddooh ko ya ki Regional Manager, ki Branch Manager wa ki bor wa pynlai ya ki Bank wa em hapoh ka Meghalaya nadooh kiwa man kam ki Commercial Bank, ki Small Finance Bank, ki Co-operative Bank, ki Regional Rural Bank wa kiwi de kiwa man ki chnat yong sorkar, ki yong ki bru samen chirup wa kiwa man kam ki Public Sector Undertaking (PSU) khamtam kiwa krehkaam ha East wa West Jaiñtia Hills wow man ki kiwa khang ha ka 27 tarik uni u bnai kawa man leh ka sngi Sunday.
Ka seiñ da ong ko wa ka Meghalaya toh ka jylla wa boon paaid ki Christan wei ka sngi Sunday toh ka sngi kawa kyrpang hei kaam niaam kamjooh ka riti dustur wei man ko leh ka sngi wa kyntang wa pynlut por yow mane Blai da ka yung ka sem wa ka imlang sahlang waroh kawi.
Iwa phah wow wai ya ki Bank ha ka sngi Sunday toh kawa man pyrchah yei sñiaw yong niam wa i hok ki jaitbru tre ri wei ym em kor ware i chakri paidbah bar ya ka niam hapoh ka jylla.
Ka JSU da khut ko leh ya ki MLA ka BJP ha Meghalaya wa lada toh sñiawthooh ki yei sñiaw ki Christan toh u chimkhia ki yeini deiwa tuklar ki neibhah ini i phah wai Bank man ko pyrchah Christan wei ym toh wow e laad u siam thied i hapoh ka jylla wei da yooluti wa kini ki MLA u yada ki ya waroh ki sngi wa kyntang.
Da maham leh ya ki Bank kiwa wai wym toh u pynbor ya ka seiñ wow leh dei kaam wei lada jia iyi iyi daw hap kithklieh da ki bor wa pynlai ya ki Bank.
Discussion about this post