U SP ka East Jaiñtia Hills District da pyntip paidbah u wa ki kari toh u man ki kiwa bood ya ka kyndon ka aiñ Motor Vehicles Act, 1988 (As Amended), chirup ki kyndon ka Central Motor Vehicles Rules wa kiwi de ki aiñ wa yatoh wa ini.
In mut i wa waroh ki kari toh u pyndait ki du da ki Number Plate kiwa da yoh na u RTO kiwa man kam ki High Security Registration Plates (HSRP) kiwa man katkam ki kyndon wei ymtoh wow pyndait da kiwi won kiwa da pynkylla, pynriam pynphooh dei wym chah katkam ka aiñ.
Ym chah leh wow pyndait ki Modified Exhaust System, ki Silencer kiwa ood, ki Pressure Horn kiwa pynthut yei suk i saaiñ kamjooh ya ka imlang sahlang.
Da khang leh wow pynkylla dur ya ka kari khlem da yoh bor (Unauthorized Vehicle Modifications) iwa kynthup nadood i rukom man, i kmai i jrong khamtam ki kari wa kit mar wei kiwa leh yeini man ko pyrchah ya ka Section 52 ka Motor Vehicles Act, 1988 wa Rule 93 ka Central Motor Vehicles Rules, 1989.
Kiwi de kiwa da khang toh wow pynyong ya ki yit kari palat yeiwa chah, u pyndait ki High Density Lights wa kiwi ki jait Light ki wym chah wa i pyndait ya ki chaka wa heh kiwa da tam charood ka kari (Oversized wheels/tyres).
Ymtoh leh wow yah kari deiwa muaid iwa poi chei tyrrah kari.
U SP da ong u wa ya kitu kiwa leh pyrchah daw pynchitom ki katkam ki kyndon aiñ wa boon.
Waroh kiwa yah kari, ki tre kari hap ki wow em ki kot ki sla kari wa biang nadooh ka Driving License; Registration Certificate (RC); Motor Vehicle Insurance Policy; Fitness Certificate, Permit wa ka Pollution Under Control (PUC) Certificate.
U SP da ong u wa i daw wa pyntip yeini toh daw pynjoor bha yei pait i sylli (Checking) nadooh ka 10 tarik u October 2026 yow pynkrehkaam ya kini ki aiñ ki kyndon wei ki wym bood ya kini ki kyndon daw toh kuna ki, u chah kem ka kari ki, u pyndam ya ki kot ki sla ki hadooh ka License wa kiwi de katkam wa chah ka aiñ.
Discussion about this post