Pynkup burom ki Muster Roll ya u Chief Engineer uwa pynkrehkaam ya iwa da sahteiñ da ki phaw snem

Ka All Jaintia Muster Roll Workers & Labour Union (CEC) Jowai, ha ka 25 tarik uni u bnai hei yahkhmat ka W. Rumut wa ka W. Shullai kiwa man kam ki Asst. General Secretary wa u Emjingmut Ymbon, President ka Union Muster Roll Workers PHE Department, Jaintia District da pynsñiaw ki i sñiawngooh sñiawburom ya u R.S.  Nongbri, Chief Engineer PHE wa kiwa kreh ka Office u CE, Shillong hajrong i leh chitom yong oo u pynbait yei rukom krehkaam hadooh wa da ye u pynlait yei nong wa sah yong ki wa da palat soo bnai itæ nadooh u April-July yong uni u snem, ha deilang i su nong sngi deiwa thymme i dor cha kiwa kreh Muster Roll ha ka chnat PHE ka jylla.

Heiyatoh wa ini i jop ka seiñ, chem ko wa toh i kreh chitom u CE neibynta ki Muster Roll ka PHE heiwa da yoh ki katni ya ka RCW ka wym em krehkaam da ki phaw snem wei da yoh ki ya ka tulop hadooh u bnai August 2026.

Ka seiñ da kyrpaad joor ko ya waroh ki Head of Department wa ki Officer yong ki chnat ka sorkar jylla wow pynkrehkaam smat noh ya ka EPF kawa ki Muster Roll toh hok u yoh ki nadooh ki phaw snem nachwa.

Weiwa kamwa man katni u Montri Rangbah, u Conrad K Sangma lyngba u Labour Commissioner ka jylla leh da hukum u cha ki heh ki chnat ka sorkar wow pynkrehkaam noh smat ya kani ka EPF.

Related posts

Booh mooyurim u Lahkmen yow pynchna ya ka Thangbuli Govt. LP School deilang ka madan hei lut wa jan dap ₹ 2 klur | Da wai leh ya ka Library neibynta ki khynnah

September 27, 2026

La 19 ngut kiwa yap ha Nagaland nei dih yei kiad wa chna tooh

September 27, 2026

Ong ki wa i pynkrehkaam ya kani ka EPF daw wanrah ko i chngaaiñ yei im waka mynried ha kiwa kreh mylla ka jylla heiliang ka poisa, ha kiwa kreh ha ki chnat sorkar, ki Contractor wa ki Company.

Da synranlang ha kani ka sngi da ka A. Ryngkhlem, Treasurer ka seiñ, u Lawan Gadew wa u Kat Bareh.