Uni u bnai September 2026 da man u uwa chit bha neibynta ka chnong Jowai heiwa dapoi i chit hadooh 33.8°C katkam ka yukheiñ ka Meteorological Centre Shillong, India Meteorological Department (IMD).
U bnai da sdang u kamwa jooh man i chit heiwa ha ka 1 tarik i chit dooh toh 24.3°C tangwa pyn ha ka 3 tarik da ku i chit cha 29.0°C.
Ha ki sngi wa bood da neh i chit 25-28°C tangwa da ku won cha ka 30.4°C ha ka 18 tarik wei da hiar cha 28.7°C ha ka 19 tarik wa cha ka 20.7°C ha ka 20 tarik.
Ha ka 21 tarik da ku biang i chit heiwa heini da ku cha 28.4°C, ha ka 22 tarik cha ka 30.5°C wei da hiar biang ha ka 23 tarik cha ka 26.4°C.
Ha ka 24 tarik da ku biang cha ka 29.1°C, ha ka 25 tarik won 30.4°C.
I chit dapoi ki chaddoh ka 33.8°C ha ka 26 tarik iwa chit dooh ha uni u bnai hadooh ynne ka sngi.
Ha ka 27 tarik i chit dapoi i 29.1°C.
Tangwa hapyrdi i chit, u slap leh toh uwa hiar em i por dei sngi chibet chipor em i por dei miet.
Hawa kyruiñ hapoh ka jylla waroh kawi, ka Resubelpara, NGH toh kawa chit dooh heiwa ha ka 26 tarik uni u bnai i chit dapoi i 37.4°C, ha ka 14 tarik 36.7°C, ha ka 15 tarik 36.2°C, ha ka 27 tarik won 35.0°C.
Ka Resubelpara hawa pait yei chit wa man-ka-sngi ha uni u bnai ha kiwa boon ki sngi ka toh kawa chit dooh na waroh ki thaw hapoh ka jylla.
Discussion about this post