Soo ngut kiwa khih mylla da yap ki hadien wa riñ mynsien ya ka la’ær wa manbih katwa dang wai ya ka Septic Tank ha Rangdokram, South Garo Hills ha i janmiet ka 27 tarik (Sunday).
Ini da jia i heipor wa kini kiwa khih mylla dang pyrchang ki wow wai ya ka tymmoh ka Septic Tank wei da pat wot ki ha jooh.
Neiliang ki pulit wa ki Fire and Rescue da poi ki ha ini i thaw wow yarap ya kiwa khih mylla heiwa ar ngut na ki da yaplær ki katwa dang pyrchang wow yarap ya ki soo ngut heiwa da ye won wow sumaar ya ki.
Ki soo ngut wa yap kynthup ki ya u Mofidur Rohman uwa 34 snem na Diara; u Ajiyer Rahman uwa 41 snem na Chengurchar; u Ismail Hussain uwa 20 snem na Chomrashali wa u Rakib Hussain uwa 22 snem na Boalia wei kini waroh toh kiwa na South Salmara-Mankachar District ka jylla Assam.
Discussion about this post