20 snem phah kset ka yung bichaar ya uwa slaitbor ya u khynnah wa dang 7 snem

Uwi u bru uwa slaitbor ya u khynnah wa dang 7 snem da phah kset oo 20 snem deiwa pynchitom bha deilang ka kuna kawa Rs. 10,000.

I takit yeini da sdang i hadien wa yoh FIR ha ka 16-03-20 ha Lumdiengjri Police Station ka Shillong heiwa da pynbaad wa u Pyntngenlang Nongsiej da slaitbor u ya u khynnah uwa dang 7 snem i rta heiwa ya ka FIR da booh da u pa u khynnah.

Ya ka Case da Register hapoh ka kyndon 4/8 ka aiñ POCSO wei da lai kem leh ya u Pyntngenlang heiwa neiliang u Investigating Officer, u UBSI S.A. Sangma da Charge Sheet u ha ka 28-01-22 hapoh ka kyndon 7/8 ka aiñ POCSO.

Related posts

Nadooh u 2024 em ki pulit ha ki thaw wa chah pynbaad khrong poisa | Da kyrriah ya u OC yow lait u tuklar yei takit: SP

October 1, 2026

Hadooh Rs. 90,000 u e yarap poisa cha kiwa chongdai madan ha ki thaw wa man sor

October 1, 2026

Hadien wa pyndep yei bichaar, neiliang ka yung bichaar ka R. Rymbai, MHJS, Spl. Judge (POCSO), East Khasi Hills da pynmih hukum yow rai pynrem ya u Pyntngenlang Nongsiej hapoh ka kyndon 4/8 ka aiñ POCSO Act deiwa psah kset oo 20 snem deiwa pynchitom bha deilang ka kuna kawa Rs. 10,000 hapoh ka kyndon 6 ka POCSO Act wei lada ym su u yeini daw chong kset u sa 6 bnai.

Uni u bru toh uwa dadep chong patok 9 bnai 4 sngi wei daw chong patok u sa ki sngi wa dang sah ka 20 snem.