U Tourism Minister ka jylla, u Paul Lyngdoh da pynche u hajrong ka Shillong Ropeway Project, deiwa ong wa kani ka Project ym ktah ko ya u Lum Shyllong neibhah wa i sñiawthooh bakla toh mih i na u loom wa kyntang wa ka Shillong View Point.
Da ong u wa da jied ya i thaw khnang wow pynyabi ya ka Lawsohtun na u Tower wa nyngkong chadooh cha Shillong View Point.
Chooh chooh da ong u wa ka Shillong View Point phær ko na u Lum Shyllong heiwa ka Shillong View Point jngai ko 3.15 km na u Lum Shyllong.
U Paul da ong u wa lada u rah ya ka Ropeway najrong u Lum Shyllong u man i pyrchah yei kreh ka sorkar wow pynneh yei kyntang u Lum Shyllong.
Da kdaw u leh yeiwa suki kiwa yada wei pynneh ya uni u loom wa kyntang iwa pynyoo wym em chah ktah u wei tip ki leh yei yaphær u Lum Shyllong wa ka Shillong Viewpoint.
Chooh chooh da ong u wa ki bru wa kheiñ kyntang ya u Lum Shyllong tip ki yei yaphær ka Shillong View Point wa u Lum Shyllong.
Heiyatoh wa i pyrtuid, da ong u wa ym em u phær i na kiwi ki thaw deiwa e nongnuna ya ka Shillong Airport kawa em ha Umroi kamjooh hi ka Shillong Ropeway toh ka Shillong View Point.
Kamtæ da ong u wa ki bru toh u sñiawthooh ki yei yaphær u Lum Shyllong wa ka Shillong View Point.





Discussion about this post