Yut ka Scorpio 40 Km khlem kawi ka chaka hadien wa yooh yei khynnah | Tyrrah ko naphang ya kiwa kah

Ynnin i miet ka 30 tarik u September, kawi ka Mahindra Scorpio wa em Number AS-02AA-0150 da tyrrah ko ya i khynnah ha Doboka, Assam wei da kdong ya ka 40 Km da ki pulit chwa wow chah ksoh ha Nagaon.

Kiwa sakhi yeiwa jia da ong ki wa mar ya yooh ya ka khynnah yut wot ka kari wei da beh ki ka da ki thuk-thuk wa ki kari chirup wa ki pulit wei hawa yut kawi na ki chaka ka Scorpio da pdung ko wei da pteiñ ko wow yut deiwa sah sadu ka Rim. 

Katwa dang yut ko da tyrrah ko ya boon tylli ki thaw wa pynsangeh ki pulit kam ki Checkpost, da tyrrah ko leh ya ka Doboka Toll Gate wei da ngiat ko leh ya ka Barricade naar wa booh ki pulit ha tymbud u sarokbah. 

Related posts

Dang pait u Paul iyi wow jia ha kini ki sngi wow wan chwa wow chim u yei rai

October 1, 2026

Pyndep chwa ya ka takit neitæ pynchitom ya kiwa emkti hei khrong poisa ki pulit: Paul

October 1, 2026

Manda poi ha Nonoi Police Outpost ha Nagaon da ye wow pynsangeh ya ka kari kawa da piah nakhmat wei ki paidbah wa beh nadien leh da tympiah ki ya ka kari phrai.

Ya i khynnah wa chah tyrrah da kit cha thaw sumaar wei ki pulit da kem ki leh ya ar ngut ki khynroo napoh ka Scorpio.