Ka Meghalaya Police da pynkhreh bha ko neibynta i wan u Union Home Minister, u Amit Shah cha Shillong ha ka 4 wa 5 tarik u October neibynta u e ya ka President’s Colours cha ki pulit ka Meghalaya.
U SP ka East Khai Hills, u Vivek Syiem da ong u wa u SP Traffic ka Shillong daw pynmih u ya i kyntu heiyatoh wa ki luti wa ye u lai wa kiwa ymye khnang wow biang i por wa lai wa wan wei wow lait nei thut.
U Vivek da ong u wa i pynlai kari toh iwa chimkhia bha ki pulit, kamtæ da emkaam bha wow pait bñiah yeini.
Heiyatoh wa ki bor pulit, da ong u wa da em jar jiar ki pulit wa kyrpang khamtam daw em 1500 ngut ki pulit khnang wow lai bait i kaam.
U Amit Shah daw wan e u ya ka President’s Colours cha ka Meghalaya Police, kawi na ki pulit wow yoh ya ini i naam ha Northeast.
Ha ka 5 tarik daw pynman ya ka yalang ha J.N. Stadium, Shillong wei neiliang u DC da pynkrehkaam u da ka Section 163 ka BNSS nadooh ka 2 tarik hadooh ka 5 tarik yow khang yei pynhær Drone 3 Km soodong kani ka Stadium.
Discussion about this post