Ka Office u Deputy Commissioner, East Jaiñtia Hills da pynemwarom ko ya ka sngi Gandhi Jayanti dei pynkhooid pynjngiar ya ki soodong sookun ka Office deilang wei thung dieñ ha pchem hei emlang u Manish Kumar, Deputy Commissioner, ha ka 1 tarik uni u bnai.
Da emlang wa ki 5 ngut ki Assistant Commissioner ka East Jaiñtia Hills District wa u Juhhi Nanghuloo, President ka Deputy Commissioner’s Amalgamated Establishment Employees Association chirup wa ki sahep wa kiwa kreh na waroh ki chnat ka yung krehkaam u DC, Khliehriat.
Ha kani ka sngi u DC hawa e yei klam da ban joor u yei emkaam i khooid i jngiar ki soodong sookun kamjooh ki kamra krehkaam iwa wanrah yei yoosuk yoosaiñ khamtam hei chait i khiah yong warohlang.
Da yoh leh i klam tbian na ka Britney Langstang, Coordinator ka Swachh Bharat Mission, East Jaiñtia Hills, Khliehriat kawa da klam hajrong ka Swachta Hi Seva.
Discussion about this post