Ki bru ka State Disaster Response Force (SDRF) ynne da lai yarap ki wow pynhiar yei metyap uwi u khynroo iwa da sdien ha u tylle ha iwi i yung wa boon mala wa em ha Khyndailad, Shillong.
Hadien wa pyntip yeini, neiliang ki bru ka District Disaster Management Authority (DDMA) East Khasi Hills da phah ko ya ki bru ka 1st SDRF Battalion wa em ha Mawdiangdiang, Shillong kiwa da lai cha kani ka thaw heiwa dapoi ki heipor kamwa 11:20 i step.
Hadien wa pait yei long i man i metyap, da pynemkaam da ki tylle yow pynskem wei pynhiar yei metyap cha khyndaw.
Yei metyap da e kti cha ki pulit kiwa da em ha kani ka thaw yow leh ki yeiwa emkaam.
Katkam wa chem ka SDRF uni uwa yap toh uwa tip kam u Sajan Barman uwa 18-19 snem i rta uwa na chnong Bendal, Borsora.
Da suba wa u Sajan da yap u deiwa pasi hi deiwa kynthiar na kani ka yung tangwa ym pu tip tikna.
Discussion about this post