U Punjabi Influencer uwa man leh kam u Makeup Artist uwa pynemkaam yei pyrtuid Mad Sandhu, uwi na ki LGBTQ ka thaaiñ, da chah siat yap u ha ki ar ngut ki bru kiwa wan da ka thuk-thuk ha Amritsar ha ka 3 tarik.
Ya u Sandhu da chem wa thiah yap u sarok deiwa kai snaam hadien wa chah siat u ar kuli.
Hadien ini da em wa booh ha Facebook da ka Account wa pyrtuid ‘Goldy Dhillon’ wa da kitkhlieh yeiwa wa jia deiwa ong wa u Sandhu da pynsih u ya ka Punjab.
Ki pulit da khana ki wa ar ngut ki bru da siat ki ya u Sandhu heipor kamwa 6:00 waje i janmiet.
U Mad Sandhu i pyrtuid tre u toh u Madhusudan, wei da bna naam bha u katni deiwa chah kut wow klam ha ki Podcast heiyatoh wa i Makeup, ki kaam wa yatoh wa ki phlim, kiwa yatoh wa i man chynrang wa kynthai tangwa kattæ leh toh uwa da chah klam beiñ ha ki Social Media yei rukom man u tangwa da jooh jubab u deiwa ong “U Blai chna u ya nga kamni,” wei ym jooh em leh murieh wa oo toh u Gay.
U Sandhu da khlaad u ha luti wa kit ya oo cha Hospital hadien wa chah siat u.
U Sandhu da sdang u yei kreh kam u Stylist wa Assistant Costume Designer ha ki phlim wa pynmih ha Punjab wa Mumbai wei da sdang u wow bna naam lyngba ki Reel wa chna u kiwa pynyoo chaphang ki Make-up wa kiwi de.
Da yoh u leh wow ak ha ka phlim Punjabi Series wa tip kam ka ‘Oye Bhole Oye’.
Discussion about this post