Chah kem 7 ngut heiyatoh wa i chah dat wei chah pynjæd sula ka kynthai ha kawi ka Club ha Khanapara

Ki pulit da kem ki ya 7 ngut ki bru heiyatoh wa i chah dat wei pynjæd sula kawi ka kynthai ha ka Club wa tip kam ka The Locals kawa em ha Khanapara, Assam iwa da jia hei miet ka 1 tarik.

Kini kiwa chah kem kynthup ki leh ya le ngut ki kynthai.

ADVERTISEMENT

Kiwa chah kem toh u Bar Manager uwa tip kam u Justin D. Areng, u Event Manager, u Nikebur Zaman Sarkar uwa tip leh kam u Roman, ka Front Office Executive ka Jhumpa Sinha, ka Usha Devi, ka Manju Das, u Gourav Mahanta wa u Dino Sona.

Neiliang ki pulit da leh ki da ka Suo Motu Case hadien wa yoh u yoo yeiwa riñ ka CCTV heiwa ka kynthai da chah taan ko napoh ka Club cha thaw pynyieñ kari heiwa da chah dat wei chah pynjæd ki sula ko.

Ki pulit da chem ki leh wa kani ka Club da wai ko palat yei por wa chah u wai wei ki tre yong ka leh ym em pyntip ki cha ki pulit yeiwa jia.

Related posts

Da sdang ya ka East Jaintia Hills Tourist Taxi Driver and Owner Association kawa kamai kari cha Guwahati wa kiwi de ki thaw cha baar

October 23, 2026

Da ka Traditional Horse Racing Competition wa Horse Show Competition pynman ka West Khasi Hills

October 23, 2026

Ha i Video wa da poor bha, da yoo ya kani ka kynthai wa thiah ha khyndaw ka wym em sula de na tympong chaneiñ wei da yoo leh yeiwa em ki kynthai wa kynjet ka wei da em leh kiwi ki chynrang hajan.

Kani ka Club toh kawa em ha ka mala wa soo wei da suba wa mih i awri awra hapoh heiwa kani ka kynthai da chah taan ko chalait chadooh wa poi cha ka mala wa em cha tre wa pynyieñ kari.

Chwa wow kem ya kini ki 7 ngut da em leh uwi u khynroo uwa chah kem tangwa ym pu tip kammon emkti u.