Ka bai psiah wei pynyieñ kari ha Guwahati Airport wa tip leh kam ka Lokapriya Gopinath Bordoloi International Airport da pynthymme ya ka wei ini da pynchrai ya kiwa kamai kari, kiwa yah kari kamjooh kiwa lai wa wan iwa da wanrah yei yamai wa ki pulit wa ki bor pynlai.
I dor thymme da krehkaam i nadooh ka 1 tarik uni u bnai heiwa ki kari kamai da chah kheiñdor ki nadooh wa psiah ki cha u pood ka Airport.
Ki kari kamai kiwa wan booh bru hap su ki Rs. 200 nadooh wa psiah neibynta 8-30 minit, i wow ku cha ka Rs. 300 neibynta 30 minit hadooh 1 kynta, Rs. 400 hadooh 2 kynta wei Rs. 1,200 neibynta 24 kynta.
Ki kari kamai kiwa wan thooh bru hap su ki Rs. 50 neibynta 8 minit, neitæ Rs. 200 hapyrdi 8-30 minit, lada neh 1 kynta hap su Rs. 300, hadooh 2 kynta Rs. 400, hadooh 3 kynta Rs. 500, hadooh 4 kynta Rs. 600 wei palat 4 kynta hadooh 24 kynta dapoi ko Rs. 1200.
Ki kari ki bru samen lait ki wow su lada psiah 0–8-minit tangwa hadien 8 minit hadooh 30 minit hap su Rs.150, hadien 30 minit hadooh 1 kynta hap su Rs. 200, lada neh won palat 1 kynta hadooh 2 kynta daw hap su Rs. 300, neibynta ar kynta hadooh 3 kynta dapoi Rs. 400, neitæ 3-4 kynta Rs. 500 wei Rs. 1,000 neibynta 4-24 kynta.
Ki ar chaka u sdang nadooh Rs. 50 lada neh ki hapoh 8 minit hadooh 30 minit wei hadooh Rs. 300 lada neh 24 kynta.
Ki le chaka u su ki Rs. 50 hapoh 8 minit, hadien ka 8 minit hapoh 30 minit Rs. 80 wei ki kari heh won kam ki Bus u hap su ki Rs. 600 lada neh ki hapoh 30 minit.
Ya waroh kini ki dor ye phi wow pait heini https://lgbia-guwahati.adaniairports.com/en/airport-services/parking
Discussion about this post