Ka Khasi Students’ Union Barato Unit hadien wa pynman ko yei yakob khwe dakha ha ka 3 tarik uni u bnai ha Wah Mynriang Barato, West Jaiñtia Hills District ha i thaw wa da khang u khwe kawa man kam ka Fish Sanctuary heiwa da wan wow chimbynta da kiwa boon kiwa khwe najan wa najngai.
Hadien wa kut i pynman khwe da theh symbe dakha ha itai i thaw wa tip kam i Thwai Mynriang Thlunar Tyrsoo kamwa jooh leh hi man-u-snem.
Ka seiñ da sñiaw ko wa emkaam biang ko u pyntip paidbah khnang wa kiwa wan khwe cha kani ka thaw yoh ki u sñiawthooh.
Da booh leh ka Signboard yow khang pyrchah u pynyap khiar ya ki doh um nadooh Chem Um hadooh Tre Thwai Chyrngan wei u chah du u khwe donhi.
Da pynman leh ya ka Thwai Thlunar Tyrsoo kam ka thaw pynneh pynsah ya ki doh um (Fish Sanctuary) wei ym chah u khwe nadooh khlieh khriang yong ka thwai hadooh tre khriang wah yingkieñ.
Da khang pyrchah leh ya kiwa wan khwe na kiwi won ki thaw u sah miet ki khlem em ki tre chnong.
Ka seiñ daw pynthymme biang ko ya ki dak ki chin ki Signboard kamwa jooh leh man-u-snem.
Da maham leh ia kiwa pynsih yei khooid i suba ka um deiwa noh Plastic, ki klong wa kiwa pynsih ya ki Signboard.
Neiliang ka seiñ da maham joor ko wa lada chem ya kiwa leh pyrchah daw pynchitom katkam ki kyndon kiwa da booh. Kamtæ da kyrpaad ya ki paidbah wa wan khwe wow sñiawbha u ya krehlang khnang yow man ko iwa jop wei kyrkhu ya ka mynried ka mankawi.
Discussion about this post