I pynbna pynman yakhih ha New Delhi da ka CJP chirup wa ka AISA wow dawa wow hiar chuki noh u Chief Election Commissioner ka ri, u Gyanesh Kumar da wanrah ko ya ka sorkar wow chim boon ki laad ki luti nadooh wow pynhiar ha chiteiñ luti ya kiwa yakhih kiwa wan da ka rel, i pyndait ki CCTV Camera hadooh wow khang leh ya ka Metro.
Neiliang won u Deputy Commissioner of Police, Special Cell (HQ) da thoh u cha ka Airtel, Vodafone/Idea, JIO wa ka MTNL ha Delhi wow pyndam ki ya ka Mobile Internet deiwa kheiñ 4 Km soodong nadooh Janpath-Kartavya Path Crossing.
I khang Internet toh nadooh 10:00 waje myntu i miet hadooh 10:00 waje i miet mynstep ka 10 tarik.
Ha iwi won i liang, ka Delhi Police da kyrpaad ko ya ka Delhi Metro Rail Corporation (DMRC) wow khang ya 57 tylli ki Metro Station ha nongbah Delhi nadooh i miet ka 9 tarik uni u bnai chwa wow pynman ka CJP ya i yakhih ha ka 10 tarik ha Jantar Mantar wa kiwi ki thaw ha New Delhi.
Ha ka chithi wa thoh u Joint Commissioner of Police (Transport Range) u Rajneesh Gupta da kyrpaad ya ka DMRC wow khang ya ki Gate nadooh 9:00 PM ka 9 tarik hadooh wa wan biang i chongsuk.
Ya i yakhih da pynman da ka Cockroach Janta Party wa ka All India Students’ Association (AISA) pyrchah ya u Chief Election Commissioner (CEC) u Gyanesh Kumar.
Ka Delhi Police da pynjoor ko leh ya i sonteri ha kylleiñ ka nongbah.
Ka Indian Railways leh da pynsangeh ko ya ki rel wow wan ha New Delhi wa Hazrat Nizamuddin Railway Station hapyrdi 4:00 AM wa 2:00 PM ka 10 tarik.
Ki 57 tylli ki Metro Station wa kyrpaad ka Delhi Police wow khang toh ka Janpath, Patel Chowk, Central Secretariat, Rajiv Chowk, Mandi House, Barakhamba Road, ITO, Delhi Gate, Kashmere Gate, Chandni Chowk, Supreme Court, Indraprastha, INA, Hauz Khas, Jamia Millia Islamia, Shaheen Bagh, Welcome, Azadpur wa Rohini West.
Kamjooh wa ka Lok Kalyan Marg, Khan Market, R.K. Ashram Marg, Jangpura, Sarai Kale Khan-Nizamuddin, Ashram, Kalindi Kunj, Jamia, Chawri Bazar, Jama Masjid, Karol Bagh, Rajendra Place, Vishwavidyalaya, Vidhan Sabha, Civil Lines, Shastri Nagar, G.T.B. Nagar, Kanhaiya Nagar, Netaji Subhash Place, Adarsh Nagar, Jahangir Puri, Haiderpur Badli Mor, Majlis Park, Shalimar Bagh, Seelampur, Maujpur, Jafrabad, Yamuna Vihar, Khazuri Khas, Shahdara, Rithala wa Rohini East.
Discussion about this post