Ka Industrial Training Institute (ITI) ka sorkar wa em ha Khliehriat, East Jaiñtia Hills District da khut Application ko neibynta ka Admission u snem 2026 kawa da wai kattæ wei kawa daw kut ha ka 14 tarik u October, 2026.
Ka ITI kattæ da e sikai ko neibynta ki le jait kitæ ka Computer Operator & Programming Assistant (COPA), ka Cosmetology wa ka Fashion Design & Technology yow yarap u pynyoh kreh wei kamjooh leh yow ye u seiñ kreh.
Neibynta kiwa yaleh ya ka COPA wa Cosmetology hap ki wow man kiwa da pyndep Class X, katwa kiwa yaleh ya ka Fashion Design & Technology hap ki wow pyndep ya ka Class VIII. Kini ki le tylli ki Course toh kiwa mar chi snem i chah sikai.
Da em 3 tylli ki Seat neibynta ka COPA, 16 tylli neibynta ka Cosmetology wa 10 tylli neibynta ka Fashion Design & Technology.
Kiwa kwah wow yaleh ye ki wow lai cha ka Government ITI Khliehriat Campus kawa em ha yung krehkaam warim ka Sub-Divisional Office, Khliehriat, nadooh 10:00 waje i step hadooh 5:00 waje i janmiet nadoh Monday hadooh Friday yow tip bniah.
Kiwa wan booh Application hap ki wow wanrah ya i dur Passport-Size, Birth Certificate, SSLC Admit Card lane SSLC Pass Certificate, Caste Certificate (SC/ST/OBC) wa Class X Marksheet lane ka Class VIII Marksheet katkam wa emkaam.
Ye leh wow Phone ha kni ki Number 7628025511 lane 9366942315 ha ki kynta wa man kreh.
Discussion about this post