U Abhijeet Dipke, uwa man kam u Founder ka Cockroach Janta Party (CJP) ynne da chah kem noh u ha ki Delhi Police napoh ka lieñsuiñ ka Air India ha Indira Gandhi International Airport (IGI), Delhi mar ya hiar ko deiwa wan na Mumbai.
Da chah kem leh kiwi ki heh ka CJP wa kynthup ya u Saurav Das wa u Ashutosh Ranka.
Ki pulit ka Delhi Police da psiah ki ha ka lieñsuiñ mar ya hiar ko ha Airport wei u Dipke da leh Live Stream u ha Instagram katwa yañia u wa ki pulit heiwa da ong u wa da wan u cheini cha Delhi wow chah kem donhi deiwa ong leh ym em tieñ u.
I kem ya ki heh ka CJP toh nei thmu wow pynman yakhih ha Jantar Manta, New Delhi wow dawa hiar chuki ya u Chief Election Commissioner, u Gyanesh Kumar.
Katkam wa man ha Delhi da synjor bha i chongsuk wei ki pulit leh da kem ki ya ki hajar ngut kiwa thmu wow lai cha i yakhih wa khut ka CJP iwa khlem yohbor.
Discussion about this post