Chah siat yap uwi pyn ha u khon-nah uwa pyrchah yeiwa bia biang ka bei u

Uwi u bru wa mantre ya kawi ka thaw sait kari uwa 29 snem i rta da chah siat yap u pyn ha u khon-nah u heipor sngi ka 10 tarik uni u bnai ha Rampur District ka Uttar Pradesh wei ya uni u bru da tip kam u Navjot Singh.

Yeini wa jia da yoh wow riñ da ka CCTV heiwa da yoo ya ki bru wa da tymmoh bha yei dur ki kiwa da wan da ka kari wei mar ya hiar ki da siat ki ya u Navjot uwa da toh boon kuli wei da siat ki oo leh wot hadien wa da thiah yap u.

U Navjot Singh dang dep wot u wow bia wa kawi ka manbei (40 snem) kawa da yap kurim heiwa ki khon ko da pyrchah joor ki yeini wa bia biang ko sa chisien iwa da leh ko ynnin u snem.

Ki pulit da pyntip ki wa u Navjot Singh toh uwa da yoh jamin wei da mih patok u heiyatoh wa i chah pynbaad wa pynyap u ya ka kurim wa nyngkong u.

Related posts

Da khut ya ki khon khynroo khyllood ka Narpuh yow yaleh ya ka 15th Mait Shaphrang Academic Award 2026

October 11, 2026

Iñ syndet u Power Bank hapoh ka lieñsuiñ ka IndiGo

October 11, 2026

Ka kurim wa dang bia u ynnin u snem toh kawa tip kam ka Kamal Kaur wei da khlaad u kurim ko le snem nachwa heiwa da em ko ar ngut ki khon chynrang kiwa da pyrchah bha yeiwa bia biang ko.

Kini ki khon ko toh kiwa kreh ha New Zealand wei uwi na ki da liwan ki u cha India kamwa 5 sngi nachwa heiwa da suba wa da emkti u deilang uwa chi payu ar pa u wow sait yap ya u Navjot Singh ha kani ka thaw kreh u.