Yap uwi hadien wa tyrrah ka Truck ya kawi won hadooh wa kylla ha u NH6

Ha iwi jia tyrrah kari iwa da jia ynne i miet, uwi uwa yah Truck da khlaad u ha i thaw wa jia hadien wa ka Truck wa yah u da tyrrah ko nadien ya kawi won ka Truck hadooh wa kylla lyngkdang ko ha pyrdi u sarokbah.

Katai ka Truck kawa tyrrah toh kawa em Number WB-57D-2824 wei ka Trcuk kawa chah tyrrah toh kawa em Number AS-01TC-1913 wei kini pyn ar toh kiwa kit khyhdaw bilat.

Ini i thaw wa jia toh ha u sarokbah NH6 ha Umling, Ri-Bhoi District wei da antaad wa da jia i heipor 7:00 waje haroh wei waroh ar tylli ki Truck toh kiwa hiar cheiliang Guwahati.

Katkam ki tyllong khubor, da ong wa ka Truck wa wan nadien da pynhær bha ko wei manda poi ha itai i bynta wa rap dong da tyrrah ko nadien ya ka Truck wa em hakhmat.

Related posts

Deiwa bood ki luti ki warim lai kjat ka Tuber Kmai Chnong cha Iawmusiang | Da thied leh ki mar yow pynku ya ka yaaw

October 12, 2026

Kular u Wailad wow e sa uwi u Doctor ha Mynso PHC: HANM

October 12, 2026

Ha ini wa jia, ka Truck wa tyrrah da pra ko phrai i bynta wa nakhmat katwa ka Truck wa chah tyrrah hadooh wa kylla ym em wa mynsoo tangwa da boon wa pra ko.

Uwa yah ya ka Truck wa tyrrah da sahkut u hapoh wei da khlaad noh u pyn ha ini i thaw wa jia.

Mar ya tip yeini da wan ki pulit ka Nongpoh yow pynman yei takit heiwa da yaleh u sai ya uwa yah uwa sahkut hapoh yow ye u kyrriah ya waroh ar tylli ki Truck na kani ka thaw.

Hadooh wa thoh ya kani ka khubor, ki pulit deilang ki bru ka NHAI dang pyrchang ki wow taan ya kitai ki ar tylli ki Trcuk wei wow pyrchang leh u sai ya uwa yah Truck uwa da sahkut hapoh ka Truck.