I kam ka yung ka sem yong u Ma (L) Hamklet Sutnga, uwa chong wa sah ha Khliehriat West, East Jaiñtia Hills, uwa da khlaad noh na kani ka pyrthai yow liwan cha u Tre Kynrad ha ka 7 tarik u October 2026. I kwah i wow pynsñiaw yei sñiawngooh wa khroo na dohnood, nyngkong dooh ya u Blai wa booh wa thoo uwa da em ryngkat wa i wei uwa da e bor ya i u lai ha ini i por wa sñiawsih wa i dooh wa khroo.
I pynsñiaw i yei sñiawngooh wa kyrpang ya waroh kiwa e yei kyrchaan, kiwa pynsñiaw leh yei sñiawlem wei kiwa da yieñ chirup wa i ha kini ki por wa eh khamtam ya ka:
1. Ka chnong Khliehriat West neibynta i sñiawlem wa i kyrchaan ya ka yung ka sem yong ngi.
2. Ki kur ki jait waroh, ki kha ki man wa ka Kur Sutnga waroh kiwa da pynsñiaw yei maya, yei sñiawlem wa i yarap ya i ha ini i por wa sñiawsih.
3. Ki paralok waroh, kiwa najan wa najngai, kiwa da kynmoo wei e mynsien ya i lyngba i wan pait, i duwai wa i yarap yong phi.
4. U Pastor, ki Tymmen Wasan wa ki Rangbah Balang yong ka Balang Presbyterian Khliehriat kiwa da chimkhia wow pynlai wei pyndep yei lehniam katkam ka rukom yong ka Balang.
5. Ki bru samen wa waroh kiwa da noh kyllooid mynsien ha kawon kawon ka rukom, ki wym ye de u khoh pyrtuid lut heini, tangwa i maya, i sbun wei i yarap yong phi u kynmoo yanom rta i ki.
I sñiawthooh i wym ye i u su kylliang yei maya, i sbun wa i yarap yong phi, tangwa u duwai i wa u Blai yong i suk u kyrkhu u ya phi, u e i chait i khiah, i suk wa i kyrmen ha ki sngi yong phi waroh.
Khublei Chiboon!
Na ka yung ka sem yong u Ma (L) Hamklet Sutnga:
Kong Kwentis Bareh (kurim)
Ma Dephai Bareh (khon)
Ma Comestar Bareh (khon)
Kong Ristina Bareh (khon)
Kong Chelang Bareh (khon)
Ma Sukjingmut Bareh (khon)
Discussion about this post