Ka Jaiñtia Students’ Union (JSU) lyngba ka Education Cell da yachem ko wa u Montri ka chnat i chait i khiah, u Wailadmiki Shylla neidaw wym em booh ya ka chnong Jowai kam ka thaw yaleh Exam namo ka Examination Centre ha i pynbna yaleh kreh da ka Meghalaya Medical Services Recruitment Board (MMSRB) neibynta ki kaam Staff Nurse wa Auxiliary Nurse Midwife (ANM) kawa da booh wow pynman ha ka 7 tarik u bnai November.
Ka seiñ da ong ko wa kamwa man kattæ da pynbna ya ka Shillong wa ka Tura donhi kam ki thaw thoh Exam tangwa ka Jowai da ieh ka hanla ka man ko kawa biang ki thaw heiwa dadep ko u pynman wot ka NEET hapoh ka chnong.
Da ong leh wa deiwa hap yabeh kiwa na Jaiñtia Hills cha baar ki District da man ko kawa pynkhia wei pynlut phut ka bai lai bai wan, ka thaw sah wei kamjooh sepai i por heithaw wow chong pynkhreh ya ka Exam.
Ka seiñ da ong ko wa lada jia ka Exam toh da ka Computer-Based Test (CBT) næ da ki OMR Sheet wei lada jia da ka CBT toh u pynbiang kam kini ki thaw yow lait kiwa chong chnong ka Jaiñtia Hills u dooh ki laad wow yaleh kreh.
Neiliang u Wailad da kular u ya ka seiñ wow pyntip yeini cha ka sorkar yow booh ya ka MMSRB Center ha Jowai wei kamjooh ya ka Health Department wow booh ko ya ka Jowai kam ka thaw yaleh Exam yow lait ki khon ka Jaiñtia Hills wow dooh nong du neidaw wa jngai ka chnong ka thaw.
Discussion about this post