Ym pu em pdiang u Speaker yei psiah ki MLA ka UDP cha ka BJP | Dang hap pait bniah ya ka aiñ

U Speaker ka Meghalaya Assembly, u Thomas A Sangma ym pu em chim rai u heiyatoh wa i lai psiah noh ki 8 ngut ki MLA ka UDP cha ka BJP, deiwa ong wa dang ap u yeiwa ong kiwa pliah ya ka aiñ kamjooh dang bichaar leh ya kiwa ujor pyrchah yeini.

Kini ki 8 ngut ki MLA da lai yachem ki wa u Speaker ynne yow yaklam heiyatoh wei psiah ki cha ka BJP, tangwa ini i kaam dang em i hei bichaar.

“Nga dang bichaar O yeini wei dang yang oo leh kammon ong kiwa pliah ha ki kaam aiñ wei kamwa man kattæ ym pu em tipmit yeini i lai psiah BJP ki MLA ka UDP,” da ong u Speaker.

Da khana u wa ya kiwa yahkhmat ka UDP da e por ya ki 10 sngi wow pynbait ki yeiwa em iwa mylliñ ha ka Petition wa da booh ki wei ini i e por u kut i ha ka 14 tarik.

Da pynche u leh wa dang puræ bniah u ya kiwi ki Case wa man kam kini chwa wow chim rai neibhah emkaam wow pait bniah yeini.

Related posts

Chah khang boon tylli ki dukan baar jylla hei lai kynreh Trading License syndet ka JNC ha Khliehriat

October 13, 2026

Rai ka sorkar wow khang noh ya ka MCCL wei u pynkylla ka kam ka thaw uiñke

October 13, 2026

“Nga hap O wow bniah bha. U chim O yei por wow puræ bha yeini yow ye u chim yei rai deiwa che bha,” da ong u Speaker.

Kam wow pynkynmoo wa ki 8 ngut ki MLA ka UDP da psiah ki cha ka BJP ha ka 23 tarik u September ha New Delhi.

U Speaker da ong u wa hap u wow bichaar nyngkong ya ki Petition kiwa da dawa wow Disqualify ya kini ki 8 ngut ki MLA.