Da wai ya ka Meghalayan Age Pavilion ha Ward’s Lake yow kyrchaan ya kiwa seiñ khih ka wow man leh ka rynsan ya kiwa em yei sap i tap wa boon jait

U Chief Minister ka Meghalaya, u Conrad K. Sangma ynne da wai u ya ka Meghalayan Age Pavilion wa em ha Ward’s Lake, Shillong kawa man kam ka thaw wa da chna kyrpang yow e rynsan ya kiwa em yei sap ha ka put ka tem, i rwai i siaw, kiwa dai ya ki mar baam, ki tiar ki tar, ki that ki nep wa kiwi de kiwa pynmih napoh ka jylla.

Kani ka thaw u man ko leh kam ka wow khriñ ya kiwa uiñke suwari yow yoh ki wow maad ya chiboon iwa ye ka Meghalaya u e hapoh kawi donhi ka tnoom.

“Kani man ko ka thaw wow khana parom yeiwa jop ki khynroo yong i, kiwa yieñ ha ki yong ki hi ki kjat kamjooh kiwa rep yong i neibhah kawi pa kawi ka dukan wa em heini em ko yei parom kammon wa da chna da pynmih ya ki mar hapoh Meghalaya,” da ong u Conrad.

Waroh kini ki dukan wa em ha kani ka Pavilion toh kiwa yarap u seiñ khih lyngba ka PRIME ka sorkar Meghalaya wei ya ka bai wai leh da e deiwa duna dor bha deiwa kheiñ 6 bnai hadooh 1 snem kam wow kyrchaan ya kini kiwa dang sang khih.

Related posts

Chah tim u heh warim ka sorkar Bangladesh ha New York Airport

October 13, 2026

Jop ka Krangpamradong, ka Amlari wa ka Evergreen ha ka 3rd Division, khlem em wa jop ha ka Super Division ka ASSA

October 13, 2026

Da pyntip u wa daw booh leh ki dukan wa sariem kam kini ha Barik Point, ha Polo Riverfront, ha Umiam ha ki bynta wa hajan ka thaw chong lieñ, ha New Shillong Secretariat kamjooh ha ka Unity Mall (kawa heh 20 chah ya kani ka Pavilion) wa ha kiwi ki chnong kam ha Tura, Nongpoh, Jowai, Nongstoiñ, Williamnagar wa Baghmara.

Ha kani ka Pavilion da em leh ki thaw dai Wine, ki thaw dih Coffee, ki thaw baam, ki thaw dai that, ki thaw dai tiar pynriam yung, ki that Ryndia, ki jait baam hadooh ki Ice Cream wa pynmih napoh ka jylla, ki mar wa pynmih na ka Lakadong kamjooh ki soh wa kiwi de.

Ya kani waroh da chna hei lut wa Rs. 11.52 klur ha i thaw wa heh 16,000 sqft.