Ka War Jaiñtia Students Union (WJSU), Central Body, Amlatdoh, Amlarem lyngba ka Education Sub-Committee da pyntip paidbah ko wa daw pynman ko ya ka 3rd War Jaiñtia Scholarship Competitive Examination, 2026 ha ka 11-12-2026 nadooh i por 10:00 AM hadooh 1:00 PM ha ki 16 tylli ki Examination Centre ka thaaiñ War Jaiñtia kiwa em hapoh ka Amlarem Civil Sub-Division.
Heiyatoh wa ini, neiliang u Heartcasing Dkhar, Education Secretary ka WJSU da ong u wa ka thong yong kani ka Exam toh yow e mynsien wei kyntu yei puræ puthi hapoh ka thaaiñ War Jaiñtia wei wow pynmyllien ya ki khynnah skur u ye ki u yakhun ya ki Exam waphær waphær wei wow rap chemphang chooh chooh ki u tip ya ki soodong sookun yong ka pyrthai wa neibynta ka mynried i im yong ki wa man-ka-sngi.
Kani ka Exam toh kawa da yabhah kamni:
– Section I (Class IV – Kiwa da Pass ha u 2025)
– Section II (Class VI – Kiwa da Pass ha u 2025)
– Section III (Class VIII- Kiwa da Pass ha u 2025)
Ya Ki Form ye u yoh na ki Cyber/Dukan Xerox ha yaaw Amlarem.
Ka tarik wa khaddooh u thap Form toh ha ka 05-12-2026.
Ka Syllabus toh katkam ka MBOSE Syllabus (General Studies).
Yow tip rap bniah ye u Phone ha kini ki Number: 9366081154/9366101960.
Ka seiñ da kyrpaad ko ya waroh ki Principal, ki Headmaster wa ki Headmistress yong ki skur hapoh ka Amlarem Civil Sub-Division wow sñiawbha ki u chimkhia u pyntip cha waroh ki khynnah skur wow wan chimbynta ha katai ka “Competitive Examination”.
Neitæ u chim leh wa toh ka kabu ksiar ya ki khynnah wa em sap. Heijooh i por ka seiñ kyntu ko ya kiwa sikai, ki manbei manpa, ki khynnah skur deilang wa ki paidbah ka thaaiñ War Jaiñtia u ya ksohktilang wei u e yei ya krehlang wa pura neibynta kani ka Exam, khnang wa i thmu wa ka thong wa bha ka seiñ u man iwa jop wa mankaam.
Ki Exam Centre man ki kamni:
(1) Mustem Examination Centre UPS: Iongnoh, Mubyrni, Muphlang, Pynthorlangtein, Mustem.
(2) Mupyut Examination Centre Lai Shnong UPS: Samanong, Musakhia, Amsalang, Madantyrpaid, Shkenpyrsit, Mupyut.
(3) Thangbuli Examination Centre UPS: Shkentalang, Jarain, Amladkhur, Thangbuli.
(4) Pasadwar Examination Centre UPS: Kamsing, Karkhana, Lumpynngngad, Pasadwar.
(5) Muktapur Examination Centre Govt LP: Sankhat, Lakroh, Hawai Bhoi, Hawai Sutnga, Amsku, Amjalong Bhoi, Muktapur.
(6) Trangblang Examination Centre RMSA: Lerem Shyiap, Amsohrhong, Amlanai, Sapator, Trangblang.
(7) Syndai Examination Center Kmaishnong Govt LPS: Twahusdiah, Jong U Chen, Amsohtai, Amjalong, Syndai.
(8) Pdengshakap Examination Centre Higher Sec. School: Pdengkseh, Amlari, Amtasam, Lerniang, Pdengshakap.
(9) Dawki Examination Centre Khasi Pnar Sec. School, U.P. School Bakur: Rhongkum, Amlympiang, Tamabil, Bakur, Dawki.
(10) Darrang Examination Centre Darrang Govt. U.P. School: Kongwang, Lymba, Shnongpdeng, Darrang.
(11) Lamin Examination Centre, J.N.M Secondary School, U.P. School: Kudengthymmai, Sohkha Mission, Sohkha Shnong, Sohkha Model, Lamin.
(12) Nongtalang Examination Centre St. Joseph Sec. School, U.P. School Nongtalang: Nongtalang Combined.
(13) Nongbareh Lynter Examination Centre: Nongbareh Lyntyer, U.P. School Nongbarehlyntiar:
– Amkoi, Nongbarehrim,
– Kudengrim, Nongbareh Lyntiar.
(14) Padu Examination Centre, Padu Higher Secondary School, U.P. School Padubah
– Mawngap, Padu Combine.
(15) Amlarem Examination Centre: Amlarem Secondary School Amlarem:
– Roko, Amtapoh, Ammutong, Mawlong
– Smiasyiang, Amshipai, Pdengkarong, Pamtabuh, Jaralud, Ladjaplem RJCOG, Syiemjingsuk, Amlarem Combined.
(16) Khonglah Examination Center U.P. School: Khonglah Combined.
Discussion about this post