Kamwa 267 ngut ki nong India da em kiwa psiah kaam chipai ha Russia heiwa 51 ngut da yap ki wei 139 ngut da yoh ki wow liwan, ini toh katkam ka yukheiñ ka Ministry of External Affairs (MEA).
Ka sorkar pyrdi da chem ko leh wa em ki nong India kiwa psiah kaam chipai ha katai ka ri toh wow yoh poisa deiwa pyrkhat leh wa i yajan ki ar ri daw yoh ki wow liwan suk.
ADVERTISEMENT
Ka sorkar India wa u Indian Ambassador ha Moscow dang booddien ki wa ki bor sorkar Russia wow chemdien ya ki 77 ngut kiwa dang wiar katkam wa pyntip ka MEA.
Ka MEA da kyntu ko ya ki bru wym toh u psiah kaam chipai ha Russia dei yooluti wow yoh poisa wei wow hap pynbor won ya ka sorkar wow yarap ya ki u liwan yung neibhah wa ini man iwa maa bha hawa em katai ka ri ha ka thma.
Discussion about this post